అనంతపురంలో అంతర్రాష్ట్ర దొంగల ముఠా అరెస్టు

తాళం వేసిన ఇళ్లే లక్ష్యంగా... దోచుకుంటున్న ఆరుగురు అంతర్రాష్ట్ర దొంగలను అనంతపురం పోలీసులు అదుపులోకి తీసుకున్నారు. నిందితులపై అనంతపురం జిల్లాతోపాటు కర్ణాటక రాష్ట్రంలో వందకుపైగా కేసులు నమోదైనట్లు జిల్లా ఎస్పీ సత్యయేసుబాబు తెలిపారు. వారి నుంచి 'కిలో 30 గ్రాముల' బంగారు నగలు, రెండు కిలోల వెండి సామన్లు స్వాధీనం చేసుకున్నట్లు వెల్లడించారు.

తాళం వేసిన ఇళ్లే లక్ష్యంగా... దోపిడీకి పాల్పడుతున్న ఆరుగురు అంతర్రాష్ట్ర దొంగల ముఠాను అనంతపురం పోలీసులు అదుపులోకి తీసుకున్నారు. ఆంధ్రప్రదేశ్, కర్ణాటక రాష్ట్రాల్లో తాళం వేసిన ఇళ్లలో దొంగతనాలు చేస్తూ... పోలీసుల కళ్లుగప్పి తిరుగుతున్న ముఠాను చాకచక్యంగా పట్టుకున్నారు. హిందూపురానికి చెందిన కావడి దుర్గాప్రసాద్ అనే వ్యక్తి ముఠాను నడుపుతున్నట్లు జిల్లా ఎస్పీ సత్యయేసుబాబు తెలిపారు. దొంగిలించిన వస్తువులను పలు సంస్థల్లో తనఖా పెట్టగా... వాటిని అక్కడి నుంచి తీసుకొచ్చినట్లు తెలిపారు. మరికొన్ని నగలు తనఖాలో ఉన్నట్లు గుర్తించామన్నారు.

ఇదీ చూడండి: గుంటూరులో 8 మంది గంజాయి విక్రేతల అరెస్టు