అనంతపురం జిల్లా.. విడపనకల్ మండలంలో కర్ణాటక నుంచి తరలిస్తున్న రూ.35 వేల విలువ చేసే నిషేధిత గుట్కాను పోలీసులు స్వాధీనం చేసుకున్నారు. డోనేకల్ చెక్ పోస్ట్లో వాహనాలను తనిఖీ చేస్తుండగా.. కర్ణాటక రాష్ట్రం బళ్ళారి నుంచి డోన్ మండలానికి వెళ్తున్న ద్విచక్రవాహనాన్ని పరిశీలించారు.
గుట్కా ప్యాకెట్లు గుర్తించి.. సరుకును స్వాధీనం చేసుకున్నారు. ఓ వ్యక్తిని అదుపులోకి తీసుకుని కేసు నమోదు చేశారు. నిషేధిత గుట్కా ఎవరు తరలించినా.. అమ్మిన వారిపై కేసులు నమోదు చేసి కఠిన చర్యలు తీసుకుంటామని వారు హెచ్చరించారు.