అనంతపురం జిల్లా గుత్తి మండలం గాంధీనగర్ గ్రామ సమీపంలోని 63వ నెంబరు జాతీయ రహదారి దగ్గర ఉన్న మరువ వంక ఉప్పొంగి పారుతుంది. రహదారిపై ఉన్న గుంతలో కారు చిక్కుకుంది. గుంతకల్లు - గుత్తి మధ్య వాహనాల రాకపోకలకు అంతరాయం ఏర్పడింది. కిలోమీటర్ల మేర వాహనాలు నిలిచిపోయాయి. స్థానికులు పోలీసులకు సమాచారం అందించారు. వంకలో చిక్కుకున్న కారును పోలీసులు బయటికి తీశారు.
కారులో ప్రయాణిస్తున్న వారికి ఎటువంటి ప్రమాదం జరగకుండా కాపాడారు. ఈ రహదారిలో నిరంతరం వేలకొద్ది వాహనాలు ప్రయాణిస్తున్నా.. అధికారులు మాత్రం గుంతలకు మరమ్మత్తులు చేపట్టకపోవడంవల్లే.. తరుచూ ఇలాంటి ప్రమాదాలు సంభవిస్తున్నాయని గ్రామస్థులు ఆరోపించారు. ఇప్పటికైనా అధికారులు స్పందించి త్వరితగతిన పనులు చేపడితే ప్రమాదాలు జరిగేందుకు ఆస్కారం ఉండదని ప్రయాణికులు కోరుతున్నారు.