ప్రశాంతి నిలయంలో ఘనంగా గురుపౌర్ణమి వేడుకలు
అనంతపురం జిల్లాలోని ప్రముఖ ఆధ్యాత్మిక కేంద్రమైన పుట్టపర్తిలో..గురుపౌర్ణమి వేడుకలు కన్నుల పండువగా జరిగాయి. ప్రశాంతి నిలయంలో ప్రతి ఏటా సత్యసాయి సెంట్రల్ ట్రస్ట్ ఆనవాయితీగా నిర్వహించే గురుపౌర్ణమి వేడుకలకు భారీ ఏర్పాట్లు చేశారు. ఉదయం 8:30 గంటలకు సాయి కుల్వంత్ సభా మందిరంలో.. వేదపండితుల మంత్రోచ్ఛారణల నడుమ వేడుకలు ప్రారంభమయ్యాయి.
గురుపౌర్ణమిని పురస్కరించుకొని.. సత్యసాయిబాబా మహాసమాధిని ప్రత్యేక పూలతో అలంకరించారు. ప్రశాంతి నిలయం.. భక్తులతో ప్రత్యేకత సంతరించుకుంది. పౌర్ణమి సందర్భంగా ఇష్టదైవమైన సత్య సాయిబాబా మహా సమాధిని భక్తులు దర్శించుకుని పునీతులయ్యారు.