"ప్రజల సంపూర్ణ ఆరోగ్యమే రాష్ట్ర ప్రభుత్వ ధ్యేయం"

ప్రజల సంపూర్ణ ఆరోగ్యమే రాష్ట్ర ప్రభుత్వ ధ్యేయమని రాయదుర్గం ఎమ్మెల్యే, ప్రభుత్వ విప్ కాపు రామచంద్రారెడ్డి అన్నారు. పట్టణంలోని ప్రభుత్వ హెల్త్ సెంటర్​లో నూతన భవన నిర్మాణానికి... ఈ నెల 23 న మంత్రి బొత్స సత్యనారాయణ శంకుస్థాపన చేయనున్న సంధర్భంగా అక్కడి ఏర్పాట్లను అధికారులతో కలిసి పరిశీలించారు.

అనంతపురం జిల్లా రాయదుర్గంలోని ప్రభుత్వ హెల్త్ సెంటర్​లో రూ.13 కోట్లతో నిర్మించనున్న నూతన భవనానికి ఈ నెల 23 న మంత్రి శంకుస్థాపన చేయనున్నారు. ఈ మేరకు అక్కడి ఏర్పాట్లను ఎమ్మెల్యే కాపు రామచంద్రారెడ్డి.. అధికారులతో కలిసి పరిశీలించారు. ఈ సందర్భంగా మాట్లాడిన ఆయన కమ్యూనిటీ హెల్త్ సెంటర్ యాభై పడకల నుంచి వంద పడకలకు పెంచుతూ ప్రభుత్వం నిధులు మంజూరు చేసిందన్నారు.

ఈ మేరకు ముఖ్యమంత్రి జగన్మోహన్ రెడ్డికి నియోజకవర్గ ప్రజల తరపున కృతజ్ఞతలు తెలిపారు. రాయదుర్గంతో పాటు పరిసర మండలాల నుంచి వందలాది మంది సిహెచ్​సిలో వైద్య సేవలు పొందుతున్నట్లు ఆయన పేర్కొన్నారు. మంత్రి పర్యటనలో నాయకులు, ప్రజలు పాల్గొని కార్యక్రమాన్ని విజయవంతం చేయాలని ప్రభుత్వ విప్ కోరారు.

ఇదీ చదవండి