ఎమ్మెల్యే ఆదేశాలతోనే రాత్రంతా పోలీస్ స్టేషన్​లో...

ఎమ్మెల్యే ఆదేశాలతోనే తెదేపా నేతలను రాత్రంతా పోలీస్ స్టేషన్​లో ఉంచారని మాజీ ఎమ్మెల్యే ప్రభాకర్ చౌదరి ఆరోపించారు. నగరంలోని ఓ పోలీసు అధికారి ఏకపక్షంగా వ్యవహరిస్తున్నారన్నారు.

ఎమ్మెల్యే అనంత వెంకటరామిరెడ్డి ఆదేశాలతోనే తెదేపా నేతలను రాత్రంతా పోలీస్ స్టేషన్లో ఉంచారని అనంతపురం మాజీ ఎమ్మెల్యే ప్రభాకర్ చౌదరి ఆరోపించారు. స్నేహితులైన అభ్యర్థుల కోసం ప్రచారం చేయటానికి వచ్చిన సాఫ్ట్ వేర్ ఇంజనీర్లను రాత్రంతా పోలీస్ స్టేషన్​లో ఉంచారని ఆయన ఆవేదన వ్యక్తం చేశారు. నగరంలోని ఓ పోలీసు అధికారి ఏకపక్షంగా వ్యవహరిస్తూ... ప్రతిపక్ష పార్టీల అభ్యర్థులపై కేసులు పెడతామని బెదిరిస్తున్నారని ఆరోపించారు. గతంలో ఎన్నికల ముందు అధికారులు.. రాజకీయ పార్టీల నేతలను పిలిపించి మాట్లాడేవారని, ఈ ప్రభుత్వంలో అధికారులు నిర్వీర్యం అయ్యారని సీపీఐ జిల్లా కార్యదర్శి జగదీష్ అన్నారు. ఎన్నికల్లో ఇలాంటి పరిస్థితులు ఎప్పుడూ లేవన్నారు.

ఇదీ చదవండి