Anantapur Forest: అనంతపురం జిల్లా పెనుకొండ నియోజకవర్గవ్యాప్తంగా అటవీ ప్రాంతంలో వందల ఎకరాల్లో అడవి అగ్నికి ఆహుతి అయ్యింది. అనంతపురం జిల్లా అసలే అతి తక్కువ వర్షపాతం కలిగిన జిల్లాగా ఉంది. ఇప్పుడిప్పుడే జిల్లాలోని పెనుకొండలో అటవీ ప్రాంతం వృక్ష సంపదతో కళకళలాడుతోంది. అయితే.. గత రెండు రోజులుగా పెనుకొండ పరిసర ప్రాంతాల్లో కొంతమంది అడవికి నిప్పు పెట్టడంతో వందలాది ఎకరాల్లో చెట్లు అగ్నికి ఆహుతి అయ్యాయి.
వేలాది వృక్షాలు కాలిపోవడంతో బూడిద మిగిలింది. వందల సంఖ్యలో అటవి వన్యప్రాణులు ప్రాణాలు కోల్పోతున్నాయి. కొన్ని లక్షల రూపాయల విలువ చేసే అటవీ సంపద ఈ అగ్ని కీలల్లో చిక్కుకుని మాడిపోతుండడంతో.. సమీపంలోని పల్లెల్లోని ప్రజలు తమకు ఏదైనా హాని జరుగుతుందేమోనని భయాందోళనకు గురవుతున్నారు.