దక్షిణాఫ్రికా ప్రేమ జంట... భారతీయ సంప్రదాయంలో ఒక్కటైంది..!
దక్షిణాఫ్రికాకు చెందిన ఓ ప్రేమ జంట భారతీయ సంప్రదాయాలతో మంగళ వాయిద్యాల నడుమ ఒక్కటైంది. ప్రేమికులు.... జోడీ, దీపికల కుటుంబీకులు సత్యసాయి భక్తులు కావడం వల్ల తరచూ పుట్టపర్తికి వస్తుండేవారు. మన దేశ సంస్కృతి పట్ల ఆకర్షితులై పుట్టపర్తిలోనే వివాహం చేసుకోవాలని నిర్ణయించుకున్నారు. సత్యసాయి జన్మస్థలమైన శివాలయంలో వేదమంత్రోచ్చరణల మధ్య, తెలుగు సంప్రదాయ పద్ధతుల్లో వీరి కల్యాణం చూడముచ్చటగా జరిగింది. వివాహ వేడుకకు తరలివచ్చిన వధూవరుల బంధుమిత్రులు తరలివచ్చారు. ఊరేగింపులో నృత్యాలు వేసి సంబరాలు చేసుకున్నారు.