టింబర్ డిపోలో అగ్నిప్రమాదం..భారీగా ఆస్తి నష్టం

టింబర్ డిపోలో జరిగిన అగ్నిప్రమాదంలో దుకాణదారులకు భారీగా ఆస్తి నష్టం వాటిల్లింది. ఈ ఘటన అనంతపురం జిల్లా కల్యాణదుర్గంలో జరిగింది.

అనంతపురం జిల్లా కళ్యాణదుర్గం పట్టణంలో తెల్లవారుజామున జరిగిన అగ్ని ప్రమాదంలో భారీగా ఆస్తినష్టం సంభవించింది. కళ్యాణదుర్గం పట్టణంలోని పాత బస్టాండ్ సమీపంలో ఉన్న టింబర్ డిపోలో అగ్నిప్రమాదం జరిగింది. ఎండిన కట్టెలు ఉండటం, పక్క పక్కనే ఇతర దుకాణాలు ఉండటంతో వేగంగా మంటలు వ్యాపించి తక్కువ సమయంలోనే ఎక్కువ ఆస్తి నష్టం జరిగింది. సమాచారం అందుకున్న కళ్యాణదుర్గం అగ్నిమాపక సిబ్బంది సంఘటనాస్థలానికి చేరుకొని మంటలను అదుపు చేశారు. లక్ష రూపాయల్లో ఆస్తి నష్టం జరిగినట్లు దుకాణదారులు వాపోయారు.

ఇదీ చదవండి:రుణాలు నవీకరించాలని బ్యాంక్​ ఎదుట రైతుల బైఠాయింపు