హిందూపురంలో అగ్ని ప్రమాదం.. రూ. 40 లక్షల ఆస్తి నష్టం

అనంతపురం జిల్లా హిందూపురం వ్యవసాయ మార్కెట్ లో అగ్ని ప్రమాదం జరిగింది. సుమారు రూ. 40 లక్షల విలువైన ఆస్తి నష్టం సంభవించింది.

అనంతపురం జిల్లా హిందూపురం వ్యవసాయ మార్కెట్ యార్డులోని రజాక్ అనే వ్యాపారి గోదాములో అగ్నిప్రమాదం జరిగింది. రైతుల నుంచి కొన్న మిర్చి పంట పూర్తిగా అగ్నికి ఆహుతైంది. సుమారు రూ.40 లక్షల ఆస్తి నష్టం వాటిల్లింది.

మంటలు పూర్తిగా వ్యాపించకుండా అగ్ని మాపక సిబ్బంది అదుపులోకి తీసుకువచ్చారు. ప్రమాదంలో ఓ ద్విచక్ర వాహనంతో పాటు మిర్చి పంట నాశనమైందని వ్యాపారి ఆవేదన చెందాడు. ప్రభుత్వం తమను ఆదుకోవాలని వేడుకున్నాడు.

ఇదీ చదవండి: