అనంతపురం జిల్లా పెనుకొండ మండలం రాంపురంలోని ఉదయ్‌ ట్రేడర్స్ అనే పరిశ్రమ వ్యర్థాల నిల్వ కేంద్రంలో జరిగిన అగ్ని ప్రమాదంలో... అగ్నిమాపక శకటం ఉద్యోగి మృతిచెందాడు. స్థానిక పోలీసులు ఎఫ్ఐఆర్ ఫైల్ చేయకుండానే, శవ పంచనామా చేయించకుండానే మృతదేహాన్ని బెంగళూరులోని ఆయన స్వగృహానికి తరలించారు.
ఈ విషయంపై కుటుంబ సభ్యులు తీవ్ర అభ్యంతరాన్ని వ్యక్తం చేశారు. తిరిగి ఈరోజు ఉదయం మృతదేహాన్ని పెనుకొండ ప్రభుత్వ వైద్యశాలకు తీసుకొచ్చారు. తన భర్త మృతి చెందిన తీరుపై.. తమకు న్యాయం చేయాలని మృతుృడి భార్య వేడుకుంది.