TDP Leaders Fight: అనంతపురం జిల్లా కల్యాణదుర్గం నియోజకవర్గానికి సంబంధించి.. తెలుగుదేశం మండల కన్వీనర్ల ఎంపిక సమావేశం రసాభాసగా మారింది. అనంతపురం శివారులోని ఓ ఫంక్షన్ హాల్లో సమావేశం నిర్వహించారు. దీనికి మాజీ మంత్రులు అమర్నాథ్ రెడ్డి, కాల్వ శ్రీనివాసులు హాజరయ్యారు. వీరి అధ్వర్యంలో సమావేశం నిర్వహించారు. కళ్యాణదుర్గం మున్సిపాలిటీ, కుందుర్పి, కంబదూరు మండల కన్వీనర్ ఎంపికలో ఇరు వర్గాల మధ్య తోపులాట జరిగింది... కుర్చీలతో కొట్టుకున్నారు. ఈ వాగ్వాదంలో కొందరి చొక్కాలూ చిరిగాయి. కార్యకర్తలంతా ఒకే కుటుంబ సభ్యులమనే విషయాన్ని గుర్తుంచుకోవాలని.. నాయకులు ఇరువర్గాలనూ శాంతింపజేశారు. అన్ని పార్టీల్లో ఇలాంటివి సహజమే. మాలో మాకు మాత్రమే ఈ వాగ్వాదాలు.. అందరం తెదేపా కోసమో పని చేస్తామని అమర్నాథ్ రెడ్డి వ్యాఖ్యానించారు.
తెదేపా నేతల మధ్య వర్గపోరు