అనంతపురం జిల్లా పరిగి మండల కేంద్రంలో భూ నిర్వాసిత రైతులు చేపట్టిన ఆందోళన కార్యక్రమం ఉద్రిక్తతకు దారి తీసింది. గతంలో నిజాం షుగర్ ఫ్యాక్టరీ ఏర్పాటు కోసం రైతుల నుంచి భూములు తీసుకుని షుగర్ ఫ్యాక్టరీ ఏర్పాటు చేశారు. అనంతరం సదరు ఫ్యాక్టరీ తరలి వెళ్లిపోయింది. ఈ క్రమంలో ఆ భూముల్లో వేరే పరిశ్రమలు ఏర్పాటు చేయకుండా లే- అవుట్లు వేసి విక్రయించేందుకు ప్రయత్నించడాన్ని భూ నిర్వాసితులు ఖండించారు.
వెనక్కివ్వాలి..
అనంతరం సీపీఐ ఆధ్వర్యంలో ఆందోళన కార్యక్రమం చేపట్టారు. రైతులకు భూమి తిరిగి ఇవ్వాలని లేకపోతే పరిశ్రమలను ఏర్పాటు చేయాలని పార్టీ నేతలు డిమాండ్ చేశారు. ఈ నేపథ్యంలో ఆందోళనకారులకు అధికారులు సర్దిచెప్పే ప్రయత్నం చేసినా ఫలితం లేకపోవడంతో పోలీసులు రంగ ప్రవేశం చేశారు.