సర్వర్ మొరాయింపు.. రైతుల అవస్థలు

పెనుకొండలో విత్తనాల కోసం రైతులు అవస్థలు పడుతున్నారు. విత్తనాల కోసం రోజుల తరబడి తిరిగినా.. ప్రయోజనం లేకుండాపోతుంది.

అనంతపురం జిల్లా పెనుకొండలో వ్యవసాయశాఖ ఇచ్చే విత్తనాల కోసం రైతులు ఎదురుచూస్తున్నారు. ఒక్కో రైతుకు ఉచితంగా 12.5 కిలోల ఉలవలు లేదంటే 2 కిలోల కొర్ర విత్తనాలు ఇవ్వనున్నారు. అయితే గత కొన్ని రోజులుగా సర్వర్​ మొరాయించటంతో రైతులు అవస్థలు పడుతున్నారు. గంటల తరబడి వ్యవసాయ కార్యాలయం దగ్గరే క్యూలైన్​లో ఉంటూ.. సర్వర్​ ఎప్పుడు పని చేస్తుందా.. విత్తనాలు ఎప్పుడు అందుతాయా అని ఎదురుచూస్తున్నారు. ఇదిలావుంటే పెనుకొండ మండలానికి 450 క్వింటాళ్ల ఉలవలు, 5 క్వింటాళ్ల కొర్రలు అందుబాటులో ఉన్నాయని మండల వ్యవసాయ అధికారి రాకేష్ నాయక్ చెబుతున్నారు.