పంట రుణాల కొనసాగింపు కోసం రోడ్డెక్కిన రైతులు

పంట రుణాల రెన్యువల్‌ కోసం రైతులు రోడ్డెక్కారు. కెనరా బ్యాంకు ఎదుట ఆందోళన చేపట్టారు. పాత రుణాలకు వడ్డీ కట్టించుకుని రుణాలు రెన్యువల్‌ చేయాలని డిమాండ్ చేశారు.

పంట రుణాల రెన్యువల్ కోసం అనంతపురం జిల్లాలో రైతులు రోడ్డెక్కారు. పెనుకొండ - పావగడ ప్రధాన రహదారిపై బైటాయించారు. రొద్దం మండల కేంద్రంలోని కెనరా బ్యాంకు ఎదుట ఆందోళనకు దిగారు. గతంలో తీసుకున్న రుణాలకు వడ్డీలు కట్టించుకుని.. తాజాగా రెన్యువల్‌ చేయాలని డిమాండ్‌ చేశారు. ఈ విషయం తెలుసుకున్న పోలీసులు, బ్యాంకు మేనేజర్‌ రమేష్‌..... రైతులతో చర్చించారు. వడ్డీ కట్టించుకుంటామని అధికారులు హామీ ఇచ్చిన అనంతరం రైతులు ఆందోళన విరమించారు.