సారా స్థావరాలపై పోలీసుల దాడులు

అనంతపురం జిల్లా, గుంతకల్లు నియోజకవర్గ వ్యాప్తంగా పోలీసులు నాటుసారా స్థావరాలపై దాడులు చేశారు. నాటు సారా అమ్ముతున్న ఎనిమిది మందిని పోలీసులు అదుపులోకి తీసుకున్నారు.

అనంతపురం జిల్లాలోని, గుంతకల్లు నియోజకవర్గ వ్యాప్తంగా గుత్తి, గుంతకల్లు, పామిడి మండలాల్లోని గ్రామాల సమీపంలోని... కొండ గుట్టల్లో ఏర్పాటు చేసిన సారా స్థావరాలపై ఎక్సైజ్, సివిల్ పోలీసులు మెరుపు దాడులు నిర్వహించారు. జిల్లా ఎస్పీ ఆదేశాల మేరకు ఈ దాడులు నిర్వహించినట్లు పోలీసులు తెలిపారు. 3 వేల 75 లీటర్ల బెల్లం ఊటను ధ్వంసం చేసినట్లు వెల్లడించారు. నాటుసారా అమ్ముతున్న 8 మందిని అరెస్టు చేసి వారి నుంచి 53 లీటర్ల నాటు సారా, ఒక ద్విచక్ర వాహనం స్వాధీనం చేసుకున్నట్లు వివరించారు. ఎవరైనా నాటుసారా నిల్వ ఉంచినా, తయారు చేసినా,కఠిన చర్యలు తీసుకుంటామని హెచ్చరించారు.

ఇదీ చదవండి:పాలబావి వద్ద గుప్త నిధుల కోసం తవ్వకాలు