నిర్లక్ష్యానికి మూల్యం.. నిండు ప్రాణం బలి

నిర్లక్ష్యం ఓ నిండు ప్రాణాన్ని బలి తీసుకుంది. అనంతపురం జిల్లా తలుపుల మండలం వేపమానిపేటలో విద్యుదాఘాతంతో పెయింటర్ మృతి చెందాడు. విద్యుత్ సరఫరా నిలిపివేయకుండా రంగులు వేస్తుండగా ఈ ప్రమాదం జరిగిందని స్థానికులు తెలిపారు.

అనంతపురం జిల్లా తలుపుల మండలం వేపమానిపేట రైతు భరోసా కేంద్రానికి రంగులు వేస్తున్న సమయంలో విద్యుదాఘాతం చోటు చేసుకోవడం వల్ల వ్యక్తి మృతి చెందాడు. బిహార్​కు చెందిన మహమ్మద్ సద్దాం(26) భవనానికి రంగులు వేయడానికి వచ్చాడు. రంగులు వేసే సమయంలో విద్యుత్ సరఫరా నిలిపివేయకుండా పనులు చేస్తున్నారు. ఈ క్రమంలోనే మహమ్మద్ సద్దాం విద్యుదాఘాతానికి గురై భవనం పైనుంచి కింద పడిపోయాడు. తీవ్రంగా గాయపడిన పెయింటర్​ని ఆసుపత్రికి తరలించేలోపే మృతి చెందాడు.

ఇది చదవండి: