కరోనా నేపథ్యంలో మూగజీవాలు ఆకలితో అల్లాడిపోతున్నాయి. కనీసం వాటికి తాగేందుకు నీరు అందడం లేదు. అనంతపురం పట్టణంలో మూగజీవాల దాహాన్ని తీర్చడానికి దాతలు ముందుకొచ్చారు. పట్టణంలోని ప్రైవేటు బస్సుల ఓనర్స్ అసోషియేషన్ వారు.. నీటి తొట్టెలు కొనుగోలు చేసి.. వాటిని పశుసంవర్ధకశాఖ అధికారులకు అందించారు. నగరంలో పశువులు సంచరించే 15 ప్రాంతాలను గుర్తించి ఆయా ప్రాంతాల్లో వీటిని పెట్టనున్నట్లు పశు సంవర్ధశాఖ సంయుక్త సంచాలకులు సన్యాసిరావు తెలిపారు. వీటిలో నిత్యం నీరు ఉండేలా చూస్తామని ఆయన చెప్పారు.
దాతల సాయం... మూగజీవాలకు తీరనుంది దాహం - corona in anantapur
లాక్ డౌన్ కారణంగా... పశువులకు తాగేందుకు నీరు దొరకడం లేదు. కొంతమంది దాతలు వాటి దాహార్తాన్ని తీర్చేందుకు ముందుకు వచ్చారు. అనంతపురం పట్టణంలోని ప్రైవేటు బస్సుల యజమానుల సంఘం ఆధ్వర్యంలో.. మూగజీవాల కోసం నీటి తొట్టెలు ఏర్పాటు చేశారు.
అనంతపురంలో మూగజీవాలకు నీటితొట్టెల సాయం