మర్కటాలకు పడవలో వెళ్లి ఆహారం ఇస్తున్నారు
ఆంధ్రప్రదేశ్-కర్ణాటకలోని తుంగభద్ర డ్యాం నుంచి అధికారులు నీటిని దిగువకు విడుదల చేశారు. ఎగువ ప్రాంతంలో భారీ స్థాయిలో వర్షాలు కురవటంతో నీటి ప్రవాహాన్ని కిందకు వదిలారు. దీంతో లోతట్టు ప్రాంతాల ప్రజలను అధికారులు అప్రమత్తం చేశారు. ఈ నీరు మంత్రాలయం, కర్నూలు ప్రాంతాల నుంచి నదిలో కలిసి శ్రీశైలం చేరుకుంటున్నాయి. అధికారులు నీళ్లు విడుదల చేయటంతో.. తుంగభద్ర సరిహద్దు ప్రాంతంలో కోతులు వరదలో చిక్కుకుని అవస్థలు పడుతున్నాయి. వరదలో బయటకు రాలేకపోతున్న కోతులను గమనించిన స్థానికులు పడవలో వెళ్లి వాటి ఆకలి తీరుస్తున్నారు.