తాడిపత్రి ఎమ్మెల్యే కాన్వాయ్​ని అడ్డుకున్న సీపీఐ నాయకులు

శింగనమల మండలం మరువకొమ్మలో రైతుల కోసం ధర్నా చేస్తున్న సీపీఐ నేతలు.. తాడిపత్రి ఎమ్మెల్యే కేతిరెడ్డి కాన్వాయ్​ను అడ్డుకున్నారు. దీంతో ఒక్కసారిగా ఉద్రిక్తత నెలకొంది. అప్రమత్తమైన పోలీసులు సీపీఐ నేతలను అడ్డుతప్పించి కాన్వాయ్​ను పంపించారు.

అనంతపురం జిల్లా శింగనమల మండలం మరువకొమ్మ వద్ద రైతులకు నష్ట పరిహారం చెల్లించాలని డిమాండ్ చేస్తూ సీపీఐ నాయకులు ధర్నా చేపట్టారు. ప్రభుత్వ విధానాలకు వ్యతిరేకంగా నినాదాలు చేశారు. అటుగా వెళ్తున్న తాడిపత్రి ఎమ్మెల్యే కేతిరెడ్డి పెద్దారెడ్డి కాన్వాయ్​ని అడ్డుకున్నారు. దాంతో అక్కడ కొద్దిసేపు ఉద్రిక్త వాతావరణం నెలకొంది. పోలీసులు అక్కడికి చేరుకుని సీపీఐ నాయకులను అడ్డు తప్పించారు. ఎమ్మెల్యేను అక్కడినుంచి పంపించారు.

ఇదీ చదవండి:'తెదేపా సానుభూతిపరుల ఇళ్ల పట్టాలు రద్దు చేసేందుకే రీసర్వే'