ఉన్నతాధికారుల వేధింపులకు కానిస్టేబుల్ ఆత్మహత్యాయత్నం

అనంతపురంలో ఉన్నతాధికారుల వేధింపులు తట్టుకోలేక...కానిస్టేబుల్ ప్రకాష్ ఆత్మహత్యాయత్నానికి పాల్పడ్డారు. సమస్యను జిల్లా కలెక్టర్ దృష్టికి తీసుకెళ్లేందుకు వచ్చినప్పుడే ఈ ప్రయత్నం చేశాడు.

అనంతపురంలో కలెక్టర్ కారు ముందు కిరోసిన్ పోసుకొని కానిస్టేబుల్ ప్రకాష్ ఆత్మహత్యాయత్నానికి పాల్పడ్డాడు. ఉన్నతాధికారులు తనను నిత్యం వేధిస్తున్నారని ఆయన ఆరోపించారు. అనంతపురం డీఎస్పీ వీర రాఘవ రెడ్డి, ఆర్.ఐ. వెంకటరమణ అవినీతి పనులకు వాడుకోవాలని చూశారని... నిరాకరించేసరికి తప్పుడు కేసులు పెట్టి మానసికంగా ఇబ్బందులకు గురి చేస్తున్నారని ఆవేదన వ్యక్తం చేశారు. జిల్లా ఎస్పీకి ఫిర్యాదు చేసినా ఎటువంటి చర్యలు తీసుకోలేదని.. అందుకే జిల్లా కలెక్టర్‌ను కలిసి తన సమస్యను విన్నవించినట్లు ఆయన చెప్పారు.

ఇవీ చదవండి...'మహిళపై దాడికి పాల్పడిన కానిస్టేబుల్​ను సస్పెండ్ చేయాలి'