ఆస్తి కోసం ఘర్షణ... ఒకరి పరిస్థితి విషమం

అనంతపురం జిల్లా చిన్నంపల్లిలో భూమి విషయంలో జరిగిన గొడవలో ఓ వ్యక్తి తీవ్రంగా గాయపడ్డారు. బాధితుడి పరిస్థితి విషమంగా ఉండటంతో కుటుంబసభ్యులు ఆస్పత్రికి తరలించారు.

అనంతపురం జిల్లా శెట్టూరు మండలం చిన్నంపల్లి గ్రామంలో ఘర్షణ జరిగింది. భూమికోసం జరిగిన ఈ గొడవలో ఓ వ్యక్తి తీవ్రంగా గాయపడ్డాడు. గ్రామానికి చెందిన ఈరన్న, శంకర్ కుటుంబాల మధ్య గత కొంత కాలంగా వివాదం నడుస్తోంది. తాజాగా ఈ వివాదం ముదిరి ఒకరిపై మరొకరు కొడవళ్లతో దాడులకు పాల్పడ్డారు. ఈ ఘటనలో ఈరన్న తీవ్రంగా గాయపడ్డాడు. చికిత్స నిమిత్తం ఈరన్నను కళ్యాణదుర్గం ప్రభుత్వాసుపత్రికి తరలించారు. పరిస్థితి విషమంగా ఉండటంతో మరో ఆస్పత్రిలో చేర్పించారు. సమాచారం అందుకున్న శెట్టూరు పోలీసులు కేసు నమోదు చేసుకొని దర్యాప్తు చేస్తున్నారు.

ఇదీచదవండి.