ఉరవకొండలో వైభవంగా చంద్రమౌళీశ్వర స్వామి బ్రహ్మోత్సవాలు

అనంతపురం జిల్లా ఉరవకొండలో చంద్రమౌళీశ్వర స్వామి బ్రహ్మోత్సవాలు ఘనంగా జరుగుతున్నాయి. ఉత్సవాల్లో ఐదవ రోజు స్వామి వారిని బసవేశ్వర వాహనంపై ఊరేగించారు. గవిమఠం పీఠాధిపతి చెన్నబసవ రాజేంద్రస్వామి ఈ వేడుకలో పాల్గొన్నారు.

అనంతపురం జిల్లా ఉరవకొండ పట్టణంలో ప్రసిద్ధి చెందిన శ్రీ గవిమఠం చంద్రమౌళీశ్వర స్వామి వారి బ్రహ్మోత్సవాలు వైభవంగా సాగుతున్నాయి. ఉత్సవాల్లో భాగంగా నిన్న రాత్రి బసవేశ్వర వాహనోత్సవం ఘనంగా జరిగింది. స్వామి వారి ఉత్సవ విగ్రహాన్ని బసవేశ్వరుడిపై ఉంచి ఊరేగించారు. ఈ కార్యక్రమంలో గవిమఠం పీఠాధిపతి చెన్నబసవ రాజేంద్ర స్వామి, ఉత్తరాధికారి కరిబసవ రాజేంద్రస్వామి, ఆదోని చౌకిమఠం కల్యాణి స్వామి, వీరశైవ సంఘం సభ్యులు, మఠం అర్చకులు, భక్తులు పాల్గొన్నారు. వీరశైవ లింగాయతులు పెద్ద ఎత్తున తరలివచ్చారు.

ఇదీ చదవండి:వైభవంగా శ్రీ లక్ష్మీ నరసింహస్వామి గ్రామోత్సవం