అనంతపురం జిల్లా రాయదుర్గం మండలం డి.కొండాపురం గ్రామంలో పిడుగు పడి ఆంజనేయులు అనే రైతుకు చెందిన రెండు కాడెద్దులు, ఒక జెర్సీ ఆవు మృత్యువాత పడ్డాయి. మంగళవారం మధ్యాహ్నం గ్రామంలో ఒక్కసారిగా వర్షం కురిసింది. భారీ శబ్దంతో పిడుగు పడటంతో పశువుల పాకలోని ఎద్దులు, ఆవు చనిపోయాయని రైతు వాపోయాడు.
గత కొద్ది నెలల క్రితమే కాడెద్దులు ఖరీదు చేసినట్లు రైతు బోరున విలపించాడు. పిడుగుపాటుకు గురై మరణించిన పశువులు విలువ దాదాపు లక్ష తొంభై వేల ఉంటుందని రైతు తెలిపాడు. నిరుపేద కుటుంబమైన రైతును ప్రభుత్వం ఆదుకోవాలని గ్రామ ప్రజలు కోరారు.