అనంతపురం జిల్లా విడపనకల్ మండలం డోనేకల్లు గ్రామ శివారులో రోడ్డు ప్రమాదం జరిగింది. ఆగి ఉన్న లారీని కారు ఢీకొనడంతో 5 మందికి గాయాలయ్యాయి. వీరిలో ఇద్దరి పరిస్థితి విషమంగా ఉంది. ప్రమాదంలో గాయపడిన క్షతగాత్రులను స్థానికులు బళ్లారికి తరలించారు. గుంతకల్లు నుంచి కారులో ఐదుగురు వ్యక్తులు బళ్లారికి వెళ్తుండగా.. 63వ జాతీయ రహదారిపై నిలిచి ఉన్న లారీని వెనకాల నుంచి వేగంగా ఢీకొట్టడంతో ప్రమాదం జరిగినట్లు స్థానికులు వెల్లడించారు.
ఘటనా స్థలానికి చేరుకున్న విడపనకల్ పోలీసులు.. స్థానికుల ద్వారా ప్రమాద వివరాలను అడిగి తెలుసుకున్నారు. కారులో ప్రయాణిస్తున్న వ్యక్తులు మద్యం సేవించి కారు నడిపి ఉంటారేమో అన్న కోణంలో విచారిస్తున్నారు.