వ్యక్తి దారుణ హత్య... ఆర్థిక లావాదేవీలే కారణం?

అనంతపురం జిల్లా ధర్మవరంలో రామకృష్ణ అనే వ్యక్తి దారుణ హత్యకు గురయ్యాడు. ప్రత్యర్థులు వేటకొడవళ్లతో నరికి చంపారు.

అనంతపురం జిల్లా ధర్మవరం వ్యవసాయ మార్కెట్ యార్డు ఆవరణంలో రామకృష్ణ అనే వ్యక్తి దారుణహత్యకు గురయ్యాడు. ప్రత్యర్థులు వేటకొడవళ్లతో దాడి చేసి చంపారు. ధర్మవరం పట్టణంలోని శాంతినగర్​లో నివాసముంటున్న రామకృష్ణను... పని ఉందంటూ కొందరు వ్యక్తులు ఇంటి నుంచి ద్విచక్రవాహనంపై తీసుకెళ్లి హతమార్చారని... మృతుడి బంధువులు పోలీసులకు ఫిర్యాదు చేశారు. ఆర్థిక లావాదేవీలే ఈ దారుణానికి కారణమని ప్రాథమికంగా భావిస్తున్నట్లు పోలీసులు తెలిపారు.