10 ఏళ్ల క్రితం అన్న ఇచ్చిన మేక.. చెల్లెలి కుటుంబాన్ని పోషిస్తోంది

చెల్లెలికి.. అన్న ఇచ్చిన.. మేకే ఆ కుటుంబాన్ని పోషిస్తోంది. ఆడపిల్లకు కానుకగా ఇచ్చిన.. మేకే ఇప్పుడు ఆధారమైంది. పదేళ్ల క్రితం అన్న.. ప్రేమగా ఇచ్చిందే.. ఇప్పుడు సంపదగా మారింది.

శ్రావణ మాసంలో ఇంటి ఆడపిల్లలకు సారె రూపంలో కానుక రూపంలో ఏదైనా.. ఇస్తుంటారు. ఓ అన్న తన చెల్లికి ఇచ్చిన దానం ఆమె ఇంటికి సంపదగా మారింది. అనంతపురం జిల్లా మడకశిర మండలం కదిరేపల్లి గ్రామంలో రంగధామప్ప అనే వ్యక్తి.. తన చెల్లి నాగమ్మకు పదేళ్ల క్రితం గౌరీ పండుగ రోజు పసుపు కుంకుమతో పాటు ఓ మేకను ఇచ్చాడు. ఆ మేక ఈతకు మూడు నాలుగు పిల్లలను జన్మనిస్తూ వచ్చింది. నాగమ్మ కుటుంబం అప్పటి నుంచి ఆ మేకపైనే ఆధారపడింది. కుటుంబ పోషణ కోసం దాని పిల్లలను అమ్ముతూ వస్తున్నారు. దాని సంతతి ఇప్పటికీ 50 మేకలు ఉన్నాయి.

'10 ఏళ్ల క్రితం..మా అన్న పసుపు కుంకుమ తో పాటు మేకను ఇచ్చాడు. ఆ మేక సంతతితో ఇప్పటివరకూ జీవనం సాగిస్తున్నాం. ప్రస్తుతం 50 మేకలు ఉన్నాయి'. అని చెల్లి చెబుతోంది. నా కున్న ఇద్దరు చెల్లెళ్లకు పసుపు కుంకుమ కింద ఒక్కొక్కరికి ఒక మేకపిల్లను ఇచ్చాను. నాగమ్మ ఆ మేక పిల్ల సంతతిని ఇంత అభివృద్ధి చేసి..నేనిచ్చిన మేకను అమ్మకుండా అలాగే ఉంచినందుకు చాలా సంతోషంగా ఉంది.' అని అన్న చెబుతున్నాడు.

ఇదీ చదవండి:రాజధాని రైతుల పిటిషన్​పై విచారణ: సీఎం సహా.. రాజకీయ నేతలకు హైకోర్టు నోటీసులు