కరోనాపై వినూత్న రీతిలో అవగాహన

ధర్మవరంలో కరోనా వైరస్​పై అధికారుల వినూత్న రీతిలో అవగాహన కల్పిస్తున్నారు. ఆర్డీఓ మధుసూదన్ ఆధ్వర్యంలో చేపట్టిన ఈ కార్యక్రమం అందరినీ అకట్టుకుంది.

అనంతపురం జిల్లా ధర్మవరంలో అధికారులు కరోనా వైరస్​పై వినూత్న రీతిలో అవగాహన కల్పించారు. యముడు, చిత్రగుప్తుడు, కరోనా యమదూతల వేషధారణతో పట్టణంలోని ప్రధాన రాహదారులపై తిరగుతూ కరోనా వల్ల కలిగే ప్రాణనష్టం గురించి వివరించారు.

సామాజిక దూరం పాటించడం, చేతులు శుభ్రం చేసుకోవడం అలవర్చుకుంటే మీ జోలికి రాను అని లేకుంటే యమపాశం తప్పదని యమ ధర్మరాజు హెచ్చరించారు.

ప్రజల్లో అవగాహన కల్పించేందుకు ఈ కార్యక్రమం నిర్వహించినట్లు ఆర్డీఓ తెలిపారు.


ఇదీ చూడండి:'కరోనా కట్టడికి అన్ని చర్యలు తీసుకుంటున్నాం'