సరకు ఆలస్యం... రేషన్​ డీలరుపై దాడి

అనంతపురంలో సరకుల పంపిణీ ఆలస్యమైందని రేషన్​ డీలరుపై కొంతమంది దాడి చేశారు. ఈ ఘటనలో ఓ వ్యక్తికి గాయాలయ్యాయి. పోలీసులు కేసు నమోదు చేసుకుని దర్యాప్తు చేస్తున్నారు.

అనంతపురంలో సరకుల పంపిణీ ఆలస్యం అవుతోందని రేషన్ డీలరుపై కొంతమంది దాడి చేశారు. నగర శివారు రుద్రంపేట బైపాస్ వికలాంగుల కాలనీలో రేషన్ డీలర్ భాగ్యలక్ష్మి, భర్త చెన్నకేశవులు, దుకాణంలో పని చేస్తున్న శ్రీరాములుపై కొంతమంది దాడి చేశారు. ఈ దాడిలో శ్రీరాములు తీవ్రంగా గాయపడ్డాడు. రేషన్ సరుకుల పంపిణీ ఆలస్యం చేస్తున్నారని, ఎండకు ఎలా నిలబడాలని డీలర్​తో స్థానికులు గొడవ పడ్డారు. రూరల్ పోలీసులు కేసు నమోదు చేసి దర్యాప్తు చేస్తున్నారు.

ఇదీ చదవండి: కావాల్సినన్ని సరకులు ఉన్నాయ్!