బెట్టింగ్ గుట్టు రట్టు.. 8 మంది బెట్టింగ్ రాయళ్ల అరెస్ట్

క్రికెట్ బెట్టింగ్​కు పాల్పడుతున్న ఎనిమిది మందిని పోలీసులు అదుపులోకి తీసుకున్న ఘటన అనంతపురం జిల్లా మేకలపల్లిలో చోటు చేసుకుంది. పరారీలో ఉన్న ఐదుగురి కోసం గాలింపు చర్యలు కొనసాగిస్తున్నట్లు పోలీసులు పేర్కొన్నారు.

అనంతపురం జిల్లా సోమందేపల్లి మండలంలోని మేకలపల్లి గ్రామానికి చెందిన 8 మందిని పోలీసులు అరెస్ట్ చేశారు. నిందితులు క్రికెట్ బెట్టింగ్​కి పాల్పడుతుండగా ​సోమందేపల్లి ఎస్సై వెంకటరమణ సిబ్బందితో దాడి నిర్వహించి పట్టుకున్నారు.

పరారీలో ఐదుగురు..

అనంతరం వారి వద్ద నుంచి ఎనిమిది చరవాణులు, రూ.15 వేల నగదు సీజ్ చేశామని ఎస్సై తెలిపారు. మరో ఐదుగురు పరారైనట్లు ఎస్సై పేర్కొన్నారు. మొత్తం 13 మందిపై కేసు నమోదు చేసిన పోలీసులు.. పరారైన వారి కోసం ముమ్మరంగా గాలిస్తున్నట్లు ఆయన వివరించారు.

ఇవీ చూడండి : నైజీరియన్ల నయా మోసాలు... కొత్త పంథాల్లో సైబర్​ నేరాలు