హిందూపురంలో బాలయ్య రోడ్షో సినీ నటుడు, తెదేపా ఎమ్మెల్యే నందమూరి బాలకృష్ణ ఎన్నికల ప్రచారంలో భాగంగా అనంతపురం జిల్లా హిందూపురంలో రోడ్ షో నిర్వహించారు. అనంతపురం ఎంపీ నిమ్మల కిష్టప్పతో కలిసి స్థానిక చిన్న మార్కెట్ నుంచి కోటవీధి, అంబేద్కర్ నగర్, సుగురుకోట వీధి, అంబేద్కర్ నగర్ ప్రాంతాల్లో ప్రచారం చేశారు. తెదేపా సంక్షేమ పథకాలను వివరిస్తూ పార్టీకి మళ్లీ పట్టం కట్టాలని కోరారు. రాష్ట్రం లోటు బడ్జెట్లో ఉన్నప్పటికీ అభివృద్ధిని పరుగులు పెట్టించిన ఘనత తమ ప్రభుత్వానిదేనన్నారు. పట్టణంలో అడుగడుగునా బాలయ్యకు ప్రజలు ఘనస్వాగతం పలికారు.
