పేదలకు రూ. 5వేల సహాయం అందించాలి

లాక్​డౌన్​ అమలులో సరైన చర్యలు తీసుకోవాలని కదిరి తెదేపా నియోజకవర్గ ఇన్​ఛార్జ్ కందికుంట వెంకటప్రసాద్​ ప్రభుత్వానికి విజ్ఞప్తి చేశారు. పేద కుటుంబాలకు రూ. 5వేల సహాయం అందించాలని డిమాండ్ చేశారు.

లాక్​డౌన్​ అమలుతో రోజువారీ కూలీలు, చేతి వృత్తులపై ఆధారపడిన వారు తీవ్ర ఇబ్బందులు ఎదుర్కొంటున్నారని కదిరి తెదేపా నియోజకవర్గ ఇన్​ఛార్జ్ కందికుంట వెంకటప్రసాద్ అన్నారు. కరోనాను కట్టడి చేసేందుకు ప్రయత్నిస్తున్న ప్రధానికి కృతజ్ఞతలు తెలిపారు. రాష్ట్రంలోని అధికార పార్టీ ప్రజల ఆరోగ్యం పట్ల శ్రద్ధ వహించకుండా...కేవలం రాజకీయాలపైనే దృష్టి పెట్టిందని విమర్శించారు. లాక్​డౌన్ వల్ల ఇబ్బందిపడుతున్న ప్రతి పేద కుటుంబానికి రూ. 5 వేల చొప్పున సాయం అందించాలని డిమాండ్ చేశారు.

ఇదీ చదవండి:ప్రధాని మోదీతో ఆలోచనలు పంచుకున్నా: చంద్రబాబు