అనంతపురం జిల్లాలో ఎన్నికల్లో ఎలాంటి అవాంఛనీయ సంఘటనలు జరగకుండా అన్ని చర్యలు తీసుకున్నట్లు జిల్లా ఎస్పీ సత్యయేసుబాబు తెలిపారు. ముందస్తుగా బైండోవర్ కేసులు పెట్టి ప్రతి మండలంలో పలువురిని అదుపులోకి తీసుకున్నట్లు పేర్కొన్నారు.
గతంలో ఎన్నికల్లో జరిగిన ఘర్షణల్లో ప్రధాన కారకులను గుర్తించి.. వాళ్లందరిపై ప్రత్యేక నిఘా పెట్టామన్నారు. జిల్లాలోని 63 మండలాల్లోని 83 పోలీస్ స్టేషన్ల పరిధిలో షాడో టీంలను ఏర్పాటు చేసి ఎప్పటికప్పుడు సమాచారంతో భద్రత కట్టుదిట్టం చేసినట్లు ఆయన తెలిపారు. పంచాయతీ ఎన్నికలకు భద్రత ఏర్పాట్లను ఎస్పీ పర్యవేక్షించారు.