'ఇక ఆర్​బీకేలతో గ్రామాల్లో వ్యవసాయ సేవలు'

గ్రామస్థాయిలో వ్యవసాయానికి సంబంధించి అన్ని రకాల సేవలను అందించాలనే ఉద్దేశంతో... రైతు భరోసా కేంద్రాలు ఏర్పాటు చేశామని శింగనమల ఎమ్మెల్యే జొన్నలగడ్డ పద్మావతి అన్నారు.

అనంతపురం జిల్లా గార్లదిన్నే మండల కేంద్రంలో రైతు భరోసా కేంద్రాన్ని శింగనమల ఎమ్మెల్యే జొన్నలగడ్డ పద్మావతి ప్రారంభించారు. అనంతరం వ్యవసాయ పనిముట్లను పరిశీలించారు. గ్రామ స్వరాజ్యం స్థాపించాలన్న లక్ష్యంతో... ఈ కేంద్రాలను ప్రభుత్వం గ్రామాల్లో ఏర్పాటు చేసిందన్నారు. దీనివల్ల వ్యవసాయానికి సంబంధించిన అన్ని రకాల సేవలు అన్నదాతల వద్దకే అందుతాయని పేర్కొన్నారు. ఈ అవకాశాన్ని రైతులంతా సద్వినియోగం చేసుకోవాలని కోరారు.

ఇదీ చూడండి: 'అన్నదాతలకు అండగా రైతు భరోసా కేంద్రాలు'