ఆగి ఉన్న ఆటోను ఢీ కొట్టిన లారీ.. ముగ్గురి పరిస్థితి విషమం

నిలిచి ఉన్న ఆటోను లారీ ఢీ కొట్టడంతో 12 మందికి తీవ్ర గాయాలయ్యాయి. ఈ ఘటన అనంతపురం జిల్లా అనంగుత్తి మండలం తొండపాడు గ్రామంలో చోటుచేసుకుంది.

అనంతపురం జిల్లా గుత్తి మండలం తొండపాడు గ్రామానికి చెందిన కొంత మంది కూలీలు... రోజువారిలాగే.. పెద్దవడుగూరు గ్రామానికి పనులకు ఆటోలో వెళ్లడానికి సిద్ధమయ్యారు. మరి కొంతమంది వస్తారని.. ఆటోను తొండపాడు బస్టాండ్ వద్ద నిలిపి ఉంచారు. ఈ క్రమంలో వెనకు వైపు నుంచి లారీ అతివేగంగా వచ్చి ఢీ కొట్టింది. ఈ ఘటనలో ఆటోలో ఉన్న 12 మంది కూలీలకు తీవ్ర గాయాలయ్యాయి. వారిని వెంటనే గుత్తి ప్రభుత్వాసుపత్రికి తరలించారు. ముగ్గురి పరిస్థితి విషమంగా ఉండటం వల్ల అనంతపురం జిల్లా ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చదవండి:14 మంది బలి- మృతుల్లో ఆరుగురు చిన్నారులు