అడంగల్ సవరణ కోసం రైతును రూ.2 వేలు లంచం అడిగిన రెవెన్యూ ఇన్స్పెక్టర్ను అనిశా అధికారులు అరెస్ట్ చేశారు. అనంతపురం జిల్లా నంబులపూలకుంటకు చెందిన రైతు రాజశేఖర్ రెడ్డి అడంగల్లో సవరణ కోసం రెవెన్యూ ఇన్స్పెక్టర్ మురళీధర్ని కలిశారు. సవరణ కోసం ఆర్ఐ రూ. 2 వేలు లంచం డిమాండ్ చేశాడు.
ఈ విషయాన్ని రైతు అనిశా అధికారుల దృష్టికి తీసుకెళ్లాడు. వారి సూచనతో లంచం ఇచ్చేందుకు రాజశేఖర్ రెడ్డి జూన్ 23న వెళ్లాడు. అయితే అనిశా అధికారుల కదలికలు గుర్తించిన ఆర్ఐ అక్కడి నుంచి పరారయ్యాడు. అప్పటి నుంచి పరారీలో ఉన్న అతన్ని రామగిరి మండలంలోని ఆయన నివాసంలో అధికారులు అరెస్ట్ చేశారు.