విద్యుదాఘాతంతో 11 నెలల బాలుడు మృతి

వాటర్​​ హీటర్​ షాక్ కొట్టి 11 నెలల బాబు మరణించాడు. ఈ విషాదకర ఘటన తెలంగాణలోని నిర్మల్​ జిల్లాలో జరిగింది. బాబు తల్లిదండ్రులు శోకసంద్రంలో మునిగిపోయారు.

తెలంగాణలోని నిర్మల్ జిల్లాలో విషాదం జరిగింది. లక్ష్మణచాంద మండలం కనకాపూర్​లో 11 నెలల బాబు విద్యుదాఘాతంతో మృతి చెందాడు. భైంసా పట్టణానికి చెందిన జలావర్ సురేశ్​ ఆటో డ్రైవర్​గా పనిచేస్తూ కనకాపూర్​లో తన కుటుంబంతో నివసిస్తున్నాడు. గురువారం ఉదయం వేడి నీళ్ల కోసం వాటర్​ హీటర్ పెట్టి బయట షాప్​కి వెళ్లాడు. అతని భార్య స్వరూప ఇంటి పని చేసుకుంటూ ఉంది. ఈ సమయంలో 11 నెలల బాబు ఆడుకుంటూ వెళ్లి హీటర్​ని ముట్టుకున్నాడు. అంతే... కరెంటు షాక్​కు గురయ్యాడు. వెంటనే ఆస్పత్రికి తీసుకెళ్లగా చికిత్స పొందుతూ మరణించాడు.

ఇవీ చూడండి:జనసేనకు లక్ష్మీనారాయణ రాజీనామా