Gates locked in Paderu YCP plenery: అల్లూరి సీతారామరాజు జిల్లా పాడేరులో వైకాపా ప్లీనరీ సమావేశం ఏర్పాటు చేశారు. సమావేశానికి ముఖ్యఅతిథిగా తితిదే ఛైర్మన్ వైవీ సుబ్బారెడ్డి, మంత్రి గుడివాడ అమర్నాథ్ హాజరయ్యారు. అయితే మరో కార్యక్రమం ఉందని వైవీ సుబ్బారెడ్డి ముందుగానే అక్కడినుంచి వెళ్లిపోయారు. ఈ క్రమంలో జనం మధ్యలో వెళ్లిపోకుండా వైకాపా నేతలు పకడ్బందీ వ్యూహం వేశారు. కార్యక్రమానికి వచ్చిన జనం బయటికి వెళ్లకుండా అడ్డుకున్నారు. ప్రధాన గేట్లకు వైకాపా కార్యకర్తలు తాళాలు వేశారు. దీంతో సమావేశానికి వచ్చిన జనం అసహనం వ్యక్తం చేశారు. కనీసం మంచినీళ్లు కూడా ఇవ్వలేదంటూ ఆవేదన వ్యక్తం చేశారు. వెనుక వైపు నుంచి కూడా ఎవరూ వెళ్లకుండా తాళం పెట్టేశారని.. మంచినీళ్ల కోసమని చెప్పినా బయటకు పంపలేదని కొందరు వాపోయారు.
పాడేరులో వైకాపా ప్లీనరీ