భారత్, న్యూజిలాండ్ మధ్య జరుగుతున్న మహిళల టీ20 మ్యాచ్లో కివీస్ 20 ఓవర్లలో 4 వికెట్లు కోల్పోయి 159 పరుగులు చేసింది. సోఫీ అర్థ సెంచరీతో చెలరేగగా కెప్టెన్ అమీ 33 పరుగులతో కీలక ఇన్నింగ్స్ ఆడింది. రెండో ఓవర్లోనే రాధా యాదవ్ బౌలింగ్లో ఓపెనర్ బేట్స్ వికెట్ కోల్పోయింది కివీస్. మరో ఓపెనర్ సోఫీ డివైన్(62), వన్డౌన్ బ్యాట్స్ఉమెన్ కేటలిన్(15) ఇన్నింగ్స్ని చక్కదిద్దే ప్రయత్నం చేశారు. ఏడో ఓవర్లో కేటలిన్ వికెట్ తీసి పూనమ్ న్యూజిలాండ్ను దెబ్బతీసింది.
భారత్ లక్ష్యం 160 పరుగులు - ind
48 బంతుల్లో 62 పరుగులు సాధించిన సోఫీ టీ 20 కెరీర్లో ఎనిమిదో అర్ధ సెంచరీ సాధించింది.
భారత్ లక్ష్యం 160
అనంతరం బ్యాటింగ్కి వచ్చిన కెప్టెన్ అమీ సాటర్వెయిట్ సోఫీతో కలిసి మరో వికెట్ కోల్పోకుండా ఆచితూచి ఆడింది. వీరిద్దరి మధ్య 69 పరుగుల భాగస్వామ్యం నమోదైంది. 48 బంతుల్లో 62 పరుగులు సాధించిన సోఫీ టీ 20 కెరీర్లో ఎనిమిదో అర్ధ సెంచరీ సాధించింది. వెంటవెంటనే సోఫీ, అమీని ఔట్ చేసిన భారత బౌలర్లు చివరి నాలుగు ఓవర్లలో ధారాళంగా పరుగులు సమర్పించుకున్నారు. ఆఖర్లో కేటీ మార్టిన్ (27) రెండు సిక్సర్లు, ఓ ఫోర్తో జట్టు భారీ స్కోరు సాధించడంలో కీలక పాత్ర పోషించింది.