దేశ స్వర్ణోత్సవ స్వాతంత్య్ర దినోత్సవం సందర్భంగా.. '75వ అమృతోత్సవ మణిహారం' పేరుతో.. మహాలక్ష్మీ గ్రూప్స్ నిర్వాహకులు దేశభక్తి గీతాన్ని రూపొందించారు. ఆధ్యాత్మిక వేత్త సామవేదం షణ్ముఖశర్మ సమన్వయంతో.. స్వాతంత్య్ర త్యాగ ధనులకు నీరాజన పూర్వకంగా ఈ గీతాన్ని విడుదల చేశారు. నంది పురస్కార గ్రహీత.. విశాఖ వాసి రాంభట్ల నరసింహశర్మ సాహిత్యాన్ని అందించిన ఈ గీతానికి.. ప్రముఖ సంగీత దర్శకుడు మణిశర్మ సంగీతాన్ని అందించారు.
విశాఖపట్నం శ్రీ వైభవ వేంకటేశ్వర స్వామి దేవస్థాన ప్రధాన అర్చకులు గోపీనంబాల్ శేషాచార్యులు.. నిర్మాణ బాధ్యతలు వహించారు. ప్రస్తుత తరానికి చెందిన ప్రముఖ గాయకులు.. ఈ దేశభక్తి గీతానికి తమ గాత్రంతో జీవం పోశారు. యూ ట్యూబ్ ద్వారా ఈ ప్రత్యేక గీతాన్ని విడుదల చేశారు.