అవెంజర్స్​కు మురుగదాస్ సాయం

ప్రఖ్యాత దర్శకుడు మురుగదాస్.. అవెంజర్స్ ఎండ్​ గేమ్ తమిళ వెర్షన్​కు డైలాగ్స్ రాయనున్నారు.

గజినీ, తుపాకీ చిత్రాలతో తమిళంలోనే కాకుండా తెలుగులోనూ గుర్తింపు పొందిన దర్శకుడు ఏఆర్ మురుగదాస్. ఆయన ఇప్పుడో ఇంగ్లీష్ సినిమాకి పనిచేయనున్నారు. అవెంజర్స్ ఎండ్ గేమ్ తమిళ డబ్బింగ్ చిత్రానికి డైలాగ్స్ రాయనున్నారు.

గత అవెంజర్ చిత్రాల్లానే ఈ సినిమాపైనా అంచనాలు భారీగా ఉన్నాయి. ఇంగ్లీష్​తో పాటు తెలుగు, తమిళం, హిందీలో ఏప్రిల్ 26న విడుదల కానుంది. ఈ విషయాన్ని సినీ విశ్లేషకుడు తరణ్ ఆదర్శ్ ట్విట్టర్​లో పంచుకున్నారు.