ఊబకాయానికి దారితీస్తున్న సామాజిక-ఆర్థిక కారణాలను పరిష్కరించటానికి వీలైనంత త్వరగా చర్యలు తీసుకోవాల్సిన అవసరముందని నిపుణులు వివరిస్తున్నారు. జంక్‌ఫుడ్‌ మీద పరిమితులు విధించటం వంటి వాటిపై దృష్టి సారించాలని నొక్కి చెబుతున్నారు. ఇప్పటికిప్పుడు ఊబకాయాన్ని తగ్గించుకోవటం, నివారించుకోవటం సాధ్యం కాకపోవచ్చు. కానీ వీటి మీద దృష్టి పెడితే మున్ముందు ముంచుకొచ్చే మహమ్మారులను ఎదుర్కోవటానికి తోడ్పడగలదని సూచిస్తున్నారు. అంటే ఇన్‌ఫెక్షన్లతో తలెత్తే గుండెజబ్బు, పక్షవాతం వంటి తీవ్ర, దీర్ఘకాలిక సమస్యల ముప్పులను తగ్గించుకునే అవకాశముంటుందన్నమాట.
కాలిగోళ్లు గట్టిగా ఉంటే?
పాదాల అందంలో కాలిగోళ్లూ ముఖ్యమే. కాకపోతే కొందరికివి చాలా గట్టిగా, దళసరిగా ఉంటాయి. వీటిని తీసుకోవటానికి చాలా కష్టపడుతుంటారు కూడా. ఇలాంటివాళ్లు గోరువెచ్చని నీటిలో చెంచాడు ఉప్పు కలిపి.. పాదాలను కాసేపు అందులో పెట్టాలి. దీంతో గోళ్లు మెత్తబడతాయి. పెళుసుదనం తగ్గుతుంది. తేలికగా తీసుకోవటానికి వీలవుతుంది.
అయినా ఫలితం లేదా?