హైదరాబాద్ ప్రగతి నగర్కు చెందిన నాగ శిరీషకు కూకట్‌పల్లి జయానగర్లో నివసించే వీరం నాగ వేంకట ప్రసాద్ రావుకు 2008లో వివాహం జరిగింది. పెళ్లి జరిగే సమయానికి ప్రసాద్ రావు అమెరికాలో ఎంఎస్ పూర్తి చేసి సాఫ్ట్‌వేర్ ఉద్యోగం చేస్తున్నాడు. పెళ్లైన రెండు నెలలకే భార్యాభర్తలు అమెరికా న్యూజెర్సీలో కాపురం పెట్టారు, మొదటి నుంచే భర్త వెంకట ప్రసాద్ రావు, భార్యపై అనుమానంతో వేధింపులకు పాల్పడటం మొదలుపెట్టాడని నాగ శిరీష తెలిపింది.
భర్త ఇంటి ముందు కూతురితో కలసి భార్య ఆందోళన
కూతురు పుట్టినా వేధింపులు ఆపకుండా, భార్యను కూతురుని ప్రసాద్ రావు వదిలేసి 2016లో హైదరాబాద్కి వచ్చాడు. వచ్చిన కొద్ది రోజులకే భార్యకు సమాచారం ఇవ్వకుండా ప్రసాద్ రావు విడాకులకు దరఖాస్తు చేశాడు. కొద్ది రోజులకు విడాకుల కేసును వెనక్కి తీసుకున్నాడు. నాగశిరీష కూతురు యశస్వీని తీసుకొని హైదరాబాద్లోని తల్లిదండ్రుల వద్దకు వచ్చింది.