చిత్తూరు జిల్లా మదనపల్లె శివారు శివనగర్‌లో ఆదివారం రాత్రి జరిగిన జంటహత్యల కేసులో పోలీసులు ముమ్మర దర్యాప్తు చేస్తున్నారు. కన్నకుమార్తెలను కడతేర్చిన తల్లితండ్రులు పురుషోత్తం, పద్మజ నుంచి.. సమాచారం రాబడుతున్నారు. విపరీతమైన మానసిక సమస్యలతో బాధపడుతూ తమ కుమార్తెలు అలేఖ్య, సాయి దివ్యలను.. తల్లి దారుణంగా హతమార్చినట్లు పోలీసులు ప్రాథమిక నిర్ణయానికి వచ్చారు. తండ్రి పురుషోత్తం సైతం.. ఆ సమయంలో ఇంటిలోనే ఉండటంతో ఆయన పాత్రపైనా కూపీ లాగారు. ఈ క్రమంలో తల్లితండ్రులు కొన్ని విస్తుపోయే నిజాలను వెల్లడించినట్లు తెలుస్తోంది.
దెయ్యం ఆవహించింది... పూజలు చేయాలి
చిన్నకుమార్తె సాయిదివ్యకు దెయ్యం ఆవహించిందని, ఇందుకు విరుగుడుగా కొన్ని పూజలు చేయాలని పెద్దకుమార్తె అలేఖ్య తరచూ చెప్పేదని తల్లితండ్రులు పోలీసులకు వెల్లడించినట్లు సమాచారం. ఇందులో భాగంగానే సాయిదివ్యను, తన అక్క అలేఖ్యే హత్యచేసిందని తల్లి పోలీసులకు చెప్పినట్లు తెలిసింది. అనంతరం పూజ గదిలో తననూ కూడా కొట్టి చంపాలని అలేఖ్య కోరినట్లు సమాచారం. తానూ చనిపోయి చెల్లిని....... తిరిగి తీసుకొస్తానని......అప్పటివరకూ పూజలు చేయాలని అలేఖ్య కోరడం వల్లే ఈ దారుణం జరిగిందని పోలీసులకు.. పద్మజ వెల్లడించినట్లు తెలుస్తోంది. అయితే.... ఈ దంపతుల మానసిక స్థితి సరిగా లేకపోవటంతో పోలీసులు ఈవిషయంలో మరింత లోతుగా విచారించాలని నిర్ణయించారు.
కథ ముగిసింది..శివ ఈజ్ కమింగ్....