గౌతమి వంతెనపై రోడ్డు ప్రమాదం... ఇద్దరికి తీవ్ర గాయాలు

తూర్పు గోదావరి జిల్లా రావులపాలెంలోని గౌతమి వంతెనపై రోడ్డు ప్రమాదం జరిగింది. ద్విచ్రవాహనాన్ని లారీ డీకొన్న ఘటనలో ఇద్దరు తీవ్రంగా గాయపడ్డారు. వారిని రాజమహేంద్రవరంలోని ఓ ప్రైవేట్ ఆస్పత్రికి తరలించారు.

తూర్పు గోదావరి జిల్లా రావులపాలెంలోని గౌతమి వంతెనపై జరిగిన రోడ్డు ప్రమాదంలో ఇద్దరు తీవ్రంగా గాయపడ్డారు. జిల్లాలోని కుతుకులూరుకు చెందిన గుడిమెట్ల సత్యనారాయణ రెడ్డి, నల్లమిల్లి వెంకాయ్యమ్మ.. రావులపాలెంలో బంధువుల ఇంటికి వచ్చారు. ద్విచక్రవాహనంపై వాళ్లు స్వగ్రామానికి వెళ్తుండగా గౌతమీ పాత వంతెన వద్ద వెనుక నుంచి వేగంగా వచ్చిన లారీ... బైకును ఢీకొని కొంత దూరం ఈడ్చుకెళ్లింది. ఈ ప్రమాదంలో ఇరువురికి తీవ్ర గాయాలయ్యాయి. వెంటనే క్షతగాత్రులను హైవే అంబులెన్స్​లో రాజమహేంద్రవరం ప్రైవేట్ ఆస్పత్రికి తరలించారు. ప్రస్తుతం వారి పరిస్థితి విషమంగా ఉన్నట్లు సమాచారం. విషయం తెలుసుకున్న పోలీసులు... ఘటనాస్థలానికి చేరుకుని కేసు నమోదు చేసి దర్యాప్తు చేస్తున్నారు.

ఇదీ చూడండి: