లైవ్ వీడియో: పెద్దవాగులో కొట్టుకుపోయిన ట్రాక్టర్

ఉద్ధృతంగా ప్రవహిస్తున్న పెద్దవాగును దాటేందుకు రైతులు ట్రాక్టర్​పై బయలుదేరారు. సగం దూరం వచ్చాక.. వారి ట్రాక్టర్​ నీటిలో కొట్టుకుపోయింది. గమనించిన స్థానికులు రైతులను కాపాడారు. ఈ ఘటన తెలంగాణలోని నాగర్ కర్నూల్ జిల్లా కొల్లాపూర్​ మండలంలో చోటుచేసుకుంది.

తెలంగాణ రాష్ట్రం నాగర్ కర్నూల్ జిల్లా కొల్లాపూర్ మండలంలో కురుస్తున్న భారీ వర్షాలకు పెద్దవాగు ఉద్ధృతంగా ప్రవహిస్తోంది. ముక్కిడిగుండం, గేమ్యనాయక్​ తండా, మొలచింతలపల్లి గ్రామాలకు రాకపోకలు నిలిచిపోయాయి. ముక్కిడిగుండం నుంచి రైతులతో వస్తున్న ట్రాక్టర్ వాగులో కొట్టుకుపోయింది. గమనించిన స్థానికులు రైతులను కాపాడారు.

జేసీబీతో ట్రాక్టర్​ను లాగుతున్న క్రమంలో ట్రాక్టర్ నీటిలో పడిపోయింది. ప్రతి ఏటా వర్షకాలం వస్తే వాగు దాటడానికి నానా అవస్థలు పడాల్సి వస్తోందని గ్రామస్థులు వాపోతున్నారు. వాగులపై బ్రిడ్జి నిర్మించి రాకపోకలకు అంతరాయం లేకుండా... ప్రమాదాల బారిన పడకుండా చూడాలని కోరుతున్నారు.