క్రికెట్ బెట్టింగ్ ముఠా గుట్టు రట్టు...ఐదుగురు అరెస్ట్

రాజాం మండలంలోని బోద్దాం గ్రామంలో క్రికెట్ బెట్టింగ్​లకు పాల్పడుతున్న ఓ ముఠాను శ్రీకాకుళం జిల్లా పోలీసులు అరెస్టు చేశారు. వారి నుంచి రూ. 2.03 లక్షల నగదు, 6 చరవాణీలను స్వాధీనం చేసుకున్నారు.

శ్రీకాకుళం జిల్లా రాజాం మండలం బోద్దాం గ్రామంలో క్రికెట్ బెట్టింగ్ నిర్వహిస్తున్న ఐదుగురు వ్యక్తులను రాజాం పోలీసులు అదుపులోకి తీసుకున్నారు.

వివరాల్లోకి వెళితే...

బోద్దాం గ్రామంలో ఐపీఎల్ మ్యాచ్​ల క్రికెట్ బెట్టింగ్ జరుగుతుందని పోలీసులకు సమాచారం రావడంతో... రాజాం టౌన్ సీఐ శ్రీనివాస రావు ఆధ్వర్యంలో బెట్టింగ్ నిర్వహిస్తున్న బస్ షెల్టర్​పై పోలీసులు దాడులు నిర్వహించారు. వీరు బుధవారం రాత్రి కొల్​కత్తా నైట్​రైడర్స్​, చెన్నై సూపర్ కింగ్స్ మధ్య జరిగిన మ్యాచ్​లో బెట్టింగ్​కు పాల్పడ్డారు. వీరు ఆర్ధిక లావాదేవీలకు సంబంధించిన నగదును పంచుకుంటుండగా... ఐదుగురిని పోలీసులు అదుపులోకి తీసుకున్నారు.

వీరి వద్ద నుంచి రెండు లక్షల మూడు వేల నగదు, ఆరు చరవాణిలు, క్రికెట్ మ్యాచ్ స్కోర్ వివరాలు నమోదు చేసిన నోట్ బుక్​లను స్వాధీనం చేసుకొని కేసు నమోదు చేశారు. జ్యుడీషియల్ రిమాండ్ నిమిత్తం ముద్దాయిలను కోర్టుకు పంపుతున్నట్లు... మరో ఇద్దరి కోసం గాలిస్తున్నట్లు రాజాం టౌన్ సీఐ శ్రీనివాసరావు తెలిపారు.

ఇదీ చదవండి:నకిలీ కరెన్సీకి ఆశపడితే కత్తులతో బెదిరించి దోచేశారు!

.