పరుపుల దుకాణంలో అగ్ని ప్రమాదం
కడప జిల్లా బద్వేల్ లోని ఓ పరుపుల దుకాణంలో అగ్నిప్రమాదం జరిగింది. కార్మికులు యంత్రంలో దూదిని పెట్టి శుభ్రం చేస్తుండగా.. ఆ వేడికి మంటలు చెలరేగాయి. కొంత మేర పాత సంచులు నిలువరించినా... పత్తి పూర్తిగా కాలిపోయింది. పరుపుల దుకాణం యజమాని వెంటనే అగ్నిమాపక దళ కార్యాలయానికి చరవాణి ద్వారా సమాచారం అందించారు. సంఘటన స్థలానికి చేరుకున్న అగ్నిమాపక సిబ్బంది మంటలను అదుపు చేశారు.