అనంతపురం జిల్లాలో దారుణం జరిగింది. భార్యను భర్త కొడవలితో గొంతుకోసి హత్యచేశాడు. ఆలకుంట భాస్కర్, అంజినమ్మ దంపతులు నార్పల మండల కేంద్రంలోని శక్తినగర్లో నివాసముంటున్నారు. భార్యపై అనుమానం పెంచుకున్న భర్త, ఆమె తలపై రాడ్డుతో బాది, కొడవలితో కిరాతంగా గొంతు కోశాడు. దాంతో ఆమె అక్కడిక్కడే మృతిచెందింది. మద్యానికి బానిసై భాస్కర్ తన భార్యను తరచూ హింసించేవాడని బంధువులు తెలిపారు. పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం స్థానిక ప్రభుత్వాసుపత్రికి తరలించారు. కేసు నమోదు చేసి దర్యాప్తు చేస్తున్నారు.