పశ్చిమ గోదావరి జిల్లా నరసాపురం ఇసుక ర్యాంప్లో స్పెషల్ బ్రాంచ్ ఏఎస్పీ కరిముల్లా షరీఫ్ నేతృత్వంలో దాడులు చేపట్టారు. నరసాపురం ఇసుక ర్యాంప్లో పలువురు బోట్ యజమానులు, మైనింగ్, ఇరిగేషన్ యాక్టులకు వ్యతిరేకంగా నడుచుకుంటున్నారని ఏఎస్పీ తెలిపారు. ఈ నేపథ్యంలో పడవలకు ఇంజిన్లు అమర్చి గోదావరి నది నుంచి ఇసుక తవ్వకాలు చేస్తున్నారన్నారు.
ఈ అంశంపై పలు ఫిర్యాదులు వచ్చిన నేపథ్యంలోనే దాడులు నిర్వహించినట్లు ఏఎస్పీ షరీఫ్ వెల్లడించారు. డిజిల్ ఇంజిన్లను ఉపయోగించి ఇసుకను తరలిస్తున్న ఆరు పడవలను, 190 టన్నుల ఇసుకను సీజ్ చేసినట్లు స్పష్టం చేశారు. సాంప్రదాయ పద్ధతిలోనే గోదావరి నది నుంచి ఇసుకను తరలించాలని సూచించారు. అలా కాకుండా ఇంజిన్లు ఉపయోగిస్తే చట్ట పరంగా కఠిన చర్యలు తీసుకుంటామని స్పెషల్ బ్రాంచ్ ఏఎస్పీ షరీఫ్ హెచ్చరించారు.
ఇవీ చూడండి : 'మమ్మల్ని కాదంటే.. మూకుమ్మడి ఆత్మహత్యలే శరణ్యం'
